#اختفاء_قسري رسالة أم مكلومة ابنها مختفي قسريا منذ 9 سنوات

تفاصيل الخبر

هذه رسالة أم عمر حماد المختفي قسريا منذ 9 سنوات يوم فض اعتصام رابعة 14/08/2013:

وحشتنى يا عمر فاكر يا حبيبي دعوتى لك دائما اللى كنت باقولها ليك وهى قلبى وربي وجميع ما ف جسمى راضى عنك يا ولدى فاكر يا حبيبي لما احتجت موتوسيكل تشتغل عليه دليفرى وانا وخالك عربى جبناه لك ف الدقى ف شغل خالك وقولت بتعرف تسوق قولت لى أيوة يا ماما قولت لك طيب تعالى اركب وراك وسوق وورينى عشان نموت سوا يا قلبى وسوقت وفسحتنى خمس دقائق كانوا حلويين اوى حبيبى يا ابنى انت عامل ايه دلوقتى شكلك بقى ايه لسة أمور زى ما انت عارف يا حبيبي لما قولت لك هاحج وتابعت معايا ومش كان ليا نصيب ساعتها أنا حجيت يا عمر بعد اختفاؤك بشهرين ودعيت لك ف الكعبة وشوفت رؤيا لك هناك ف الأرض الطاهرة انك لابس لبس إحرام ابيض وواقف معايا أمام الكعبة وانا باقولك قولت لابوك وأخواتك انك معايا قولت لى ولا يهمك يا ماما قلبى يا حبيبي دموعى ع هدى وانا باكتبلك بس عارفة انك راجعلى تانى وهاخدك ف حضنى ومحدش يقدر ياخدك منى تانى انت حته منى حتة من قلبى وجسمى ارجعلى بقى كفاية كدة انت وحشتنى اوى اوى جدا خالص